महाराष्ट्र राज्य शासनामार्फत महाराष्ट्रात महिला तसेच मुलींसाठी विविध योजना राबवण्यात येत असतात आणि याच योजनांच्या माध्यमातून महिला सक्षमीकरण व्हावे तसेच मुलींना शिक्षणात मदत व्हावी असा सरकारचा उद्देश असतो.
राज्य शासनाच्या वतीने लेक लाडकी योजना सुरू करण्यात आलेली आहे ज्या योजनेमध्ये पात्र मुलींना एक लाख एक हजार रुपयांपर्यंतचा लाभ प्राप्त होणार आहे त्यामुळे आपण हा लाभ संबंधित मुलींना कशा पद्धतीने मिळणार आहे याविषयीची माहिती आजच्या या लेखामध्ये जाणून घेणार आहोत.
महत्त्वाचे मुद्दे:
- महाराष्ट्र राज्य शासनाच्या वतीने लेक लाडकी योजना सुरू
- राज्यातील पात्र मुलींना मिळणार एक लाख एक हजार रुपयांचा लाभ
- विविध टप्प्यांवरती मिळणार पैसे
- महाराष्ट्रातील मुलींसाठी सुरू झाली आहे ही योजना
लेक लाडकी योजना 2025
मुलगी जन्माला आली की काहींच्या चेहऱ्यावर आनंद झळकतो, पण अनेक ठिकाणी अजूनही तिच्या जन्माकडे नकारात्मकतेने पाहिलं जातं. हे बदलण्यासाठी आणि ‘बेटी बचाओ, बेटी पढाओ’ सारख्या संकल्पनांना चालना देण्यासाठी महाराष्ट्र सरकारनं एक अफलातून योजना आणली आहे – लेक लाडकी योजना.
पूर्वीची माझी कन्या भाग्यश्री योजना आता बंद करून तिच्या जागी 1 एप्रिल 2023 पासून लेक लाडकी योजना राबवली जात आहे. गरीब आणि गरजू कुटुंबातील मुलींच्या जन्मापासून 18 वर्षांपर्यंत थेट आर्थिक मदत देण्याचा सरकारचा हा मोठा निर्णय आहे. चला तर मग, या योजनेविषयी सविस्तर माहिती घेऊया.
लेक लाडकी योजनेचा उद्देश काय?
- मुलींच्या जन्मदरात वाढ करणे
- शिक्षणासाठी प्रोत्साहन देणे
- बालविवाह रोखणे
- मुलींच्या पोषणाची काळजी घेणे
- शाळाबाह्य मुलींचं प्रमाण शून्यावर आणणे
लेक लाडकी योजना किती रक्कम मिळणार?
लेक लाडकी योजनेत मुलीच्या वेगवेगळ्या टप्प्यांवर खालीलप्रमाणे आर्थिक मदत मिळते:
| टप्पा | रक्कम ₹ |
|---|---|
| 👶 जन्मानंतर | 5,000 |
| 🏫 पहिलीला प्रवेश | 6,000 |
| 📚 सहावीला प्रवेश | 7,000 |
| 🎓 अकरावीला प्रवेश | 8,000 |
| 👩 18 वर्ष पूर्ण केल्यानंतर | 75,000 |
👉 एकूण रक्कम: ₹1,01,000/-
लेक लाडकी योजना पात्रता अटी कोणत्या?
- मुलीचा जन्म 1 एप्रिल 2023 किंवा त्यानंतरचा असावा
- कुटुंब पिवळे किंवा केशरी राशनकार्ड धारक असावं
- किमान एक किंवा दोन मुलींना लाभ मिळेल
- जुळ्या मुलींना लाभ मंजूर, पण त्यानंतर कुटुंब नियोजन केलं पाहिजे
- कुटुंबाचं उत्पन्न ₹1 लाखाच्या आत असावं
- मुलगी अविवाहित असावी
- मुलगी आणि पालक महाराष्ट्राचे रहिवासी असावेत
- मुलीचं नाव मतदार यादीत (18 वर्ष पूर्ण झाल्यावर) असावं
लेक लाडकी योजना आवश्यक कागदपत्रं
- मुलीचा जन्माचा दाखला
- पालकांचा आणि मुलीचा आधार कार्ड
- राशनकार्ड (हिरव्या/केशरी रंगाचं)
- बँक पासबुकची पहिली पानाची प्रत
- उत्पन्नाचा दाखला (तहसीलदार किंवा सक्षम अधिकाऱ्यांचा)
- शाळेचा बोनाफाईड दाखला (शिक्षण टप्प्यासाठी)
- कुटुंब नियोजनचं प्रमाणपत्र (जुळ्या मुली किंवा दुसऱ्या मुलीसाठी)
- स्वघोषणापत्र – मुलगी अविवाहित आहे यासाठी
- 18 व्या वर्षी मतदार यादीतील नावाचा पुरावा
लेक लाडकी योजना अर्ज कसा करायचा?
- जन्म नोंदणी केल्यानंतर आपल्या गावातील आंगणवाडी सेविकेकडे संपर्क साधा
- सर्व आवश्यक कागदपत्रं आणि अर्ज नमुना सेविकेकडे सादर करा
- सेविका अर्जाची तपासणी करून मुख्य सेविकेकडे फॉरवर्ड करेल
- मुख्य सेविका व संबंधित अधिकारी तपासणी करून मान्यतेसाठी यादी पाठवतील
- अर्ज मान्य झाल्यानंतर लाभार्थीच्या बँक खात्यावर रक्कम जमा केली जाईल
लेक लाडकी योजना आवश्यक माहिती
लेक लाडकी योजना ही योजना फक्त महाराष्ट्रातील रहिवाशांसाठी आहे
या योजनेसाठी फॉर्म फी नाही – कोणीही पैसे मागत असेल तर सावध राहा
लेक लाडकी योजना फक्त सरकारी यंत्रणेमार्फत चालते – जर कोणी पैसे मागत असेल तर ते टाळा
दर महिन्याला अर्ज मंजूर करून आर्थिक मदत दिली जाते
लेक लाडकी योजना ही फक्त आर्थिक मदतीसाठी नाही, तर आपल्या लेकीला शिक्षित, सक्षम आणि स्वावलंबी बनवण्याचं एक पाऊल आहे. तुम्ही किंवा तुमच्या ओळखीत अशी पात्र मुलगी असेल, तर आजच ही माहिती शेअर करा.
